Rush Hour 4 - We are ready 火拼時速4 - 我地已經準備好啦!

紅錄燈﹐過馬路...

Translated from http://soimgoingtochina.blogspot.com

真係好過癮﹗

唔知點譯...Oh well﹐呢條美國佬三個月既北京奇遇記﹐都幾攪笑...Let me translate it in a Canto way!

X X X

我之前講過﹐北京D交通真係好喇癲。好似日日都有車落地 - 假假地每個禮拜多千幾o架o甘。所以呢﹐會有好多第一次渣車既茂四同D唔應該渣車既茂利一齊係條路度...

拿﹐等我用一個超級簡單既例子同你介紹一下錯綜複雜既北京駕駛啦!呢個例子就係...向左轉!

第一步:
一個好鬼普通既十字路口。東西線既紅錄燈岩岩變錄﹐而[A]車﹐一架梁錦松既最愛黑色車身黑色Tin玻璃既"零智"﹐正準備向左轉入南方既道路。途人都係四邊等緊。(為方便起見﹐我地假設無人係南北方面衝燈﹐亦無人擅自穿越馬路 - 好"假"既假設)

第二步:
要左轉既話﹐[A]車必須盡快切斷所有東行車輛。唔使理個D守法過馬路既行人。[A]車開始前進。

第三步:
頂龜﹗慢過頭添! [A]Block住架又紫又黃既全新現代的士[B]﹐但係[A]只係岩岩做到係北京渣車既人所謂既"弱"頂位。

第四步:
Zoom埋D﹐我地可以睇到點解: [A] 只係"德"個左邊泵把而再唔可以行前﹐處於被動既位置。[B]反而係支配既地位﹐因為佢可以完全Block Q住[A]。

第五步:
[B]扭右﹐兜巴聲[C]﹐一架非常標致既紅色標致(黃金龍頭塑膠頭鏟加尾翼加一舊二舊垃圾)。因為[B]轉Lane之後加速﹐而[C]又被迫減速﹐所以係十字路口做成一個低密度既"死位"。[D]﹐一架裝住40個"世界最古老"丙烷罐既K型藍色三輪車睇到個位﹐就想攝入去!

第六步:
我插! [E]﹐一架老爺紅底白字既的士一野Cut左兩條Lane﹐過埋[D]﹐然後靠右﹐迫住[D]去到一個係[A]後面既弱位。同一時候﹐[B]同[C]重係到搶位﹐[C]重開始鏟上行人路添。係呢個時候﹐[E]只需要過D守法過馬路既行人就可以成功左轉。[E]Dump行油門...

第七步:
...然後就被[F]兜巴聲﹗[F]係由一位老人家踩既三輪單車。時速係...0.007km/h。佢身後重有一大兜(十五尺圓週)用橡筋蟄住既花生油空樽。佢本來係守法過馬路既行人之一﹐不過見到七國o甘亂既交通﹐咪決定打個對角過馬路囉。好啦﹐家陣[F]唔單止Block Q住[E]﹐佢重"隊"埋[B]度﹐益晒呀[C]車。

第八步:
無計啦﹐[B]唯有讓[C]。[C]家陣好過癮﹐重係[F]後面鏟去行人道Block Q住[E]。與此同時﹐[G]﹐一群由大約20架單車﹐迷你電單車﹐行人同埋手推車組成既生命體睇到向西行既交通比[D]塞住﹐所以就崁世界擁過去北面。[F]慢慢踩慢慢踩﹐話知你死﹐定過台油!

第九步:
家震真係好攪笑。[C]竟然衝出上位﹐成為第一架去到自己目標方向既車。行得快﹐好世界...呀媽我得o左啦! [C]之後﹐[E]就想Block Q住[B]﹐但係呢又只係可以岩岩做到"弱"頂位。[A]今此醒扒﹐等個K英[F] 過先﹐然後Dump油鏟去班[G]人到。好似過紅海o甘﹐[G]人被[A]掃埋去[D]個度﹐[A]宜家就應該"裸"硬個亞軍啦。

第十步:
只不過...竟然殺出個情咬金 - 雙重巴士手風琴[H]! [H]之前係向東既行人道喪衝﹐宜家就係十字路口表演U-turn。係裡面既112位乘客好似當無野柑(可能已經貼埋一邊窒息昏迷...)。[H]完完全全Block Q住[A]同[D]。另一邊﹐[B]就兜野鏟去班守法過馬路既行人同Block Q住[E]條路。

[E]連自己老豆姓Mud都唔知: 佢既視線之內只係有[B]車![B]車![B]車!忽略最終目標既[E]﹐最後只能收皮...

結果﹐柑就益左黑馬[I] ,一架藍色彪域Lacrosse ﹐去Cut幾條Lane之後攝入[H]後面成為第二架成功去到自己目標方向既車(兼第一個完成左轉)。呀[F]爺爺宜家就決定玩逆水行舟﹐南路北上!真係好野!但係歡樂既時光好快過﹐就o黎轉燈啦啦啦...!

第十一步:
媽呢媽呢兇﹗﹗﹗

第十二步:
大家齊唱..."We are ready!" 我地已經準備好由頭開始啦!!! Orz....

延伸閱讀:
Beijing Traffic Lesson: Left Turn
We Are Ready
THE BEIJING JAM（PART I: first 8mins 30secs)
Arc de Triomphe Traffic "flow"
Driving at Nan-Chang, China
Busy intersection in China
India Traffic "Holy Cow"
Vietnam "#$^@#$^!" 
Shanghai Noon?